بىز باشتىن باشلاپ (يەنى ئادەم / ھاۋا ۋە قابىل / ھابىل ) تەرتىپ بويىچە داۋاملاشتۇرىمىز. تەۋراتتا كېيىنكى دىققەت قىلىشقا ئەرزىيدىغان پەيغەمبەر نۇھ ئەلەيھىسسالام بولۇپ ، ئۇ ئادەم ئەلەيھىسسالامدىن 1600 يىلدىن كېيىن ياشىغان. غەربتىكى نۇرغۇن كىشىلەر نۇھ ئەلەيھىسسالام ۋە كەلكۈننىڭ ھېكايىسىگە ئىشەنمەيدۇ. ئەمما بۇ دۇنيانى چۆكمە تاشلار قاپلايدۇ. بۇ تاشلار كەلكۈن مەزگىلىدە چۆكمە چۆكۈش ئارقىلىق شەكىللىنىدۇ. ئۇنداقتا بىزدە بۇ كەلكۈن ھەققىدە ئەمەلىي پاكىتلار بار ، ئەمما نۇھ ئەلەيھىسسالامنىڭ مۆھجىزىلىرى ئىچىدە بىز دىققەت قىلىشقا كېرەكلىك بەلگىلەر نېمە؟ بۇ يەرنى چېكىپ ، نۇھ ئەلەيھىسسالامنىڭ تەۋرات ۋە قۇرئاندىكى بايانلىرىنى ئوقۇڭ
رەھىم-شەپقەتنى كۆرگەندە بىلەمدۇق؟
غەربلىكلەر بىلەن ئاللاھنىڭ ھۆكۈمى توغۇرلۇق پاراڭلاشقاندا ، ئۇلار دائىم «مەن ئاللاھنىڭ ھۆكۈمىدىن بەك ئەنسىرىمەيمەن ، چۈنكى ئۇ بەك رەھىمدىل بولغاچقا ، مېنىڭچە ئۇ مېنى رەسمى جازاغا ھۆكۈم قىلمايدۇ». نۇھ ئەلەيھىسسالامنىڭ ھېكايىسى مېنى بۇ پىكىر ھەققىدە ئويلاندۇردى. شۇنداق ، ئاللاھ بەك رەھىمدىل. ئۇ ھەر زامان ئوخشاش بولۇپ ، نۇھ ئەلەيھىسسالامنىڭ زامانىدىمۇ رەھىم-شەپقەتلىك ئىدى. ئەمما ئاللاھ بۇ ھۆكۈمدە پۈتۈن دۇنيانى (نۇھ ۋە ئۇنىڭ ئائىلىسىدىكىلەردىن باشقا) ھالاك قىلدى. نۇھ سۈرىسى (71 – سۈرە نۇھ) بىزگە مۇنداق دەيدۇ
ئۇلار گۇناھلىرى تۈپەيلىدىن (توپان بىلەن) غەرق قىلىندى، دوزاخقا كىرگۈزۈلدى، ئۇلار ئۆزلىرى ئۈچۈن ئاللاھتىن باشقا ھېچقانداق ياردەمچى تاپالمىدى
[نۇھ سۈرىسى 25- ئايەت ]
:ئۇنداقتا ئاللاھنىڭ رەھمىتى قەيەردىتى؟ بۇنى نۇھنىڭ كېمىسىدىن كۆرۇشكە بولىدۇ. قۇرئان بىزگە ئېيتقىنىدەك
ئۇلار نۇھنى ئىنكار قىلدى، نۇھنى ۋە ئۇنىڭ بىلەن كېمىدە بىللە بولغانلارنى قۇتقۇزدۇق، ئايەتلىرىمىزنى ئىنكار قىلغانلارنى پۈتۈنلەي (سۇغا) غەرق قىلدۇق. شۈبھىسىزكى، ئۇلار (ھەقنى كۆرۈشتىن دىللىرى) كور قەۋم ئىدى
[ئەئراف سۈرىسى 64 -ئايەت]
ئاللاھ رەھىم-شەپقىتى بىلەن نۇھ ئەلەيھىسسالامغا كېمە ياساتقۇزدى ۋە بارلىق ئادەملەرنىڭ ئىشلىتىشى ئۈچۈن كېمە بىلەن تەمىنلىدى. ھەر قانداق ئادەم ئۇ كېمىگە كىرگەندە ، رەھىم-شەپقەت ۋە بىخەتەرلىككە ئېرىشەلەيتتى. بۇ يەردىكى مەسىلە ، كۆپىنچە ئادەملەر ئۇنىڭغا ئىشەنمىدى. ئۇلار نۇھنى مەسخىرە قىلدى ۋە كەلگۈسىدىكى ھۆكۈمگە ئىشەنمىدى. ئەگەر ئۇلار كېمىگە چىققان بولسا ، ئۇلار بالا-قازادىن قۇتۇلۇپ قالاتتى
كېلىدىغان ھۆكۈمگە ئىشىنىش يېتەرلىكمۇ؟
قۇرئان كەرىم يەنە بىزگە نۇھنىڭ بىر ئوغلىنىڭ ئاللاھقا ۋە كېلىدىغان ھۆكۇمىگە ئىشەنگەنلىكىنى ئېيتىدۇ. ئۇنىڭ تاغقا يامىشىشىنىڭ ئۆزى ئۇنىڭ ئاللاھنىڭ ھۆكۈمىدىن قېچىۋاتقاننى كۆرسىتىدۇ ، شۇڭا بۇ ئۇنىڭ ئاللاھ ۋە ھۆكۈمىگە ئىشەنگەنلىكىنى كۆرسىتىدۇ. لېكىن بۇ يەردە بىر مەسىلە بار. ئۇ ئېتىقادىنى ئاللاھقا بويسۇنۇش بىلەن بىرلەشتۈرمىدى. ئۇ ئۇنىڭ ئورنىغا ھۆكۈمدىن قېچىش ئۈچۈن ئۆزىنىڭ يولىنى تېپىشنى قارار قىلدى. دادىسى ئۇنىڭغا
ئۇ: «مېنى سۇدا غەرق بولۇشتىن ساقلاپ قالىدىغان بىر تاغنىڭ ئۈستىگە چىقىۋالىمەن» دېدى. نۇھ: «بۈگۈن ئاللاھ رەھىم قىلغان ئادەمدىن باشقا ھېچ ئادەم ئۇنىڭ جازالىشىدىن قۇتۇلۇپ قالالمايدۇ» دېدى. ئۇلارنىڭ ئارىسىنى دولقۇن ئايرىۋەتتى ـ دە، ئۇ غەرق بولۇپ كەتتى
[ھۇد سۈرىسى 43 -ئايەت]
نۇھنىڭ ئوغلى بالا-قازادىن قېچىشقا ئەمەس ، بەلكى ئاللاھنىڭ رەھمىتىگە موھتاجىدى. ئۇنىڭ تاغقا چىقىش تىرىشچانلىقى نەتىجىسىز بولدى. شۇڭا ئۇنىڭ قىسمىتى نۇھ ئەلەيھىسسالامنى مەسخىرە قىلغانلارغا ئوخشاش بولدى ، يەنى سۇغا غەرق بولۇپ ئۆلدى. ئەگەر ئۇ كېمىگە چىققان بولسا ئىدى ، ئۇمۇ بۇ قىسمەتتىن قۇتۇلۇپ قالغان بولاتتى. بۇنىڭدىن شۇنى بىلىۋالالايمىزكى ، پەقەت ئاللاھقا ۋە ئۇنىڭ ھۆكۈمىگە ئىشىنىش ئۇنىڭ جازاسىدىن قېچىپ قۇتۇلۇشقا كۇپايە قىلمايدۇ. ئەمەلىيەتتە ، بىز ئاللاھنىڭ رەھىم-شەپقىتىگە ئېرىشىشىمىز ئۈچۈن ، ئۆزىمىزنىڭ ئوي-پىكىرلىرىمىزگە ئەگەشمەي ، بەلكى ئاللاھ بەرگەن رەھىم-شەپقەتكە مىننەتدارلىق بىلدۇرىشىمىز كېرەك
كېمە: ئاللاھنىڭ نۇھ ئەلەيھىسسالامغا قىلغان رەھمىتىنىڭ بەلگىسى
كېمە بولسا نوھ ئەلەيھىسسالامنىڭ بىزگە كۆرسەتكەن بەلگىسى. ھەممەيلەن نۇھنىڭ ئۇنى ياسىغانلىقىنى كۆدى ، بۇ كېمە بولسا ئاللاھنىڭ كەلگۈسىدە قىلىدىغان ھۆكۈمىنىڭ ۋە بېرىدىغان رەھىم-شەپقەتىنىڭ «ئېنىق بەلگىسى» ئىدى. ئەمما ئۇ ئاللاھنىڭ رەھىم-شەپقىتىنى پەقەت ئاللاھ ئۆزى بەلگىلىگەن ئۇسۇل بىلەن ئېرىشەلەيدىغانلىقىنى كۆرسەتتى
.ئۇنداقتا نۇھ قانداق قىلىپ ئاللاھنىڭ رەھمىتىنى تاپتى؟ تەۋرات بۇ سۆزنى بىر نەچچە قېتىم تەكرارلايدۇ
.نۇھ ئاللاھنىڭ بۇيرۇغانلىرىنىڭ ھەممىسىنى قىلدى
مەن ئۆزەمنىڭ چۈشەنگەن ، ياكى ياخشى كۆرگەن ، ياكى قوشۇلغان ئىشنى قىلىشقا مايىل ئىكەنلىكىمنى بايقىدىم. ئاللاھ كەلكۈن توغۇرلۇق ئاگاھلاندۇرغاندا ۋە قۇرۇقلۇقتا كېمىنى ياساش بۇيرۇقى بەرگەندە ، نۇھ ئەلەيھىسسالامنىڭ كاللىسىدا نۇرغۇن سوئاللار بولغان بولىشى مۆمكۆنىدى. ئۇ ئۆزى ياخشى ئادەم ھەم باشقا رايوندىن بولغاچقا ، بۇنداق بىر كېمە ياساشنىڭ ھاجىتى يوقلىقىنى ئويلاپ يېتەلەيتتى. ئەمما ئۇ ئاللاھ بۇيرۇغاننىڭ ھەممىسىنى قىلدى. دادىسىنىڭ ئېيتقانلىرىلا ئەمەس ، چۈشەنگەنلىرىمۇ ئەمەس ، راھەت ھىس قىلغانلىرىمۇ ئەمەس ، ھەتتا ئۇنىڭ مەنىسىمۇ چۆشەنمىسىمۇ ، ھەممىنى ئاللاھنىڭ بۇيرىغىنىدەك ئىجرا قىلدى. بۇ بىر بىز ئەگىشىدىغان ياخشى ئۈلگىدۇر
نىجاتلىقنىڭ ئىشىكى
:تەۋرات بىزگە نۇھتىن كېيىن ئۇنىڭ ئائىلىسىدىكىلەر ۋە ھايۋانلارنىڭ كېمىگە كىرگەنلىكىنى ئېيتتى
كىرگەنلەر خۇدانىڭ نۇھقا بۇيرۇغىنىدەك ئەت ئىگىلىرىنىڭ ھەرتۈرىنىڭ ئەركەك-چىشىسى ئىدى. ئاندىن پەرۋەردىگار ئىشىكنى ئېتىۋەتتى
[7 :16 يارىتىلىش]
كېمىنىڭ كىرىش ئىشىگىنى نۇھ ئەلەيھىسسالام ئەمەس ، ئاللاھ كونترول قىلدى ھەم باشقۇردى. ئاللاھنىڭ ھۆكۈمى كەلگەندە ، گەرچە سىرتتىكى كىشىلەر كېمىگە كىرىش ئۈچۈن ئۇرۇنسىمۇ ، نۇھ ئەلەيھىسسالام ئىشىگىنى ئېچىپ بەرمىدى. ئاللاھ كىرىش ئىشىگىنى كونترول قىلدى. شۇنىڭ بىلەن بىر ۋاقىتتا ، كېمىنىڭ ئىچىدىكى كىشىلەر ئىشەنچ بىلەن خاتىرجەم تۇرالىدى ، چۈنكى ئۇلار كېمىنىڭ ئىشىگىنى ئاللاھ كونترول قىلغاچقا ھېچقانداق شامال ياكى دولقۇن ئۇنى ئاچالمايتتى. ئۇلار ئاللاھنىڭ غەمخورلۇقى ۋە رەھمىتى بىلەن بىخەتەر ئىدى
ئاللاھنىڭ سۆزى ئۆزگەرمەيدۇ ، شۇڭا بۇ ئىبرەت بۈگۈنمۇ بىزگە ماس كېلىدۇ. بارلىق پەيغەمبەرلەر كېلىدىغان بىر قىيامەت كۈنى بىلەن ئاگاھلاندۇرىدۇ. ئەمما نۇھ ئەلەيھىسسالامنىڭ قىسىسى بىزگە ئاللاھنىڭ ھۆكۈمى بىلەن بىللە رەھىم-شەپقەت قىلىدىغانلىقىنى كاپالەتلەندۈرىدۇ. ئەمما بىز ئۇنىڭ رەھىم-شەپقىتىگە ئېرىشىش ئۈچۈن نۇھنىڭ شۇ «كېمىسى» نى ئىزدىشىمىز كېرەك
پەيغەمبەرلەرنىڭ قۇربانلىرى
:تەۋرات يەنە بىزگە نۇھنىڭ
شۇ چاغدا نۇھ پەرۋەردىگارغا ئاتاپ بىر قۇربانگاھنى ياسىدى؛ ئۇ ھالال جانىۋارلار بىلەن ھالال قۇشلارنىڭ ھەر تۈرىدىن ئېلىپ كېلىپ، قۇربانگاھنىڭ ئۈستىدە «كۆيدۈرمە قۇربانلىق» ئۆتكۈزدى
[8:20 يارىتىلىش]
بۇ ئادەم / ھاۋا ۋە قابىل / ھابىلنىڭ ھايۋانلارنى قۇربانلىق قىلىش ئەندىزىسىگە ماس كېلىدۇ . يەنە بىر قېتىم ھايۋاننىڭ ئۆلۈمى ۋە قاننىڭ ئېقىشى بىلەن ، نۇھ ئەلەيھىسسالام دۇئا قىلدى ۋە ئۇنىڭ دۇئاسى ئاللاھ تەرىپىدىن قوبۇل قىلىندى. ئۇ بولسىمۇ ، تەۋرات بۇ قۇربانلىقتىن كېيىنلا ئاللاھنىڭ نۇھ ۋە ئۇنىڭ ئوغۇللىرىغا بەخت تىلىگەنلىكىنى تىلغا ئالىدۇ (يارىتىلىش 1: 9). ئاندىن ئۇ «نۇھ بىلەن ئەھدە تۈزدى» (يارىتىلىش 8: 9). شۇڭا ، نۇھنىڭ قۇربانلىق قىلىشى ، ئۆلۈم ۋە ھايۋانلارنىڭ قېنىنى تۆكۈشى ئۇنىڭ ئاللاھقا ئىبادەت قىلىشىدا ئىنتايىن مۇھىم ئىدى. بۇ قانچىلىك مۇھىم؟ بىز تەكشۈرىشىمىزنى تەۋراتتىكى پەيغەمبەرلەردىن لۇت ئەلەيھىسسالام بىلەن داۋاملاشتۇرىمىز ،